Վերոնշյալ փոփոխությունները և լրացումները մշակվել են 2015 թվականի հոկտեմբերի 29-ին Բյուրոյի խորհրդի կողմից հաստատված ԱՊՊԱ ոլորտի զարգացման ուղենիշերին համապատասխան և դրանցում ներառվել են սկզբունքային փոփոխություններ՝ համապատասխանեցնելով արդեն իսկ վերանայված «Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության գործընթացներին։ Բյուրոյի կանոնադրության մեջ ավելացվել են որոշ նոր կարգավորումներ, որոնք Բյուրոյի կանոնների նոր կառուցվածքին անցման պայմաններում Բյուրոյի կանոններից տեղափոխվել են Բյուրոյի կանոնադրության, ինչպես նաև կարգավորումներ հանվել և տեղափոխվել են ««Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-004 կանոններ, որը 2017 թվականի մարտի 17-ին արդեն իսկ գրանցվել է ՀՀ կենտրոնական բանկի կողմից։ Իրականացված փոփոխություններով պայմանավորված՝ ստորև կանոնների գործողությունը դադարեցվել են՝

 

Հ/հ	Կանոնների անվանումը
1.	««Հայաստանի ավտոապահովագրողների բյուրո» իրավաբանական անձանց միության անդամ ապահովագրական ընկերությունների նկատմամբ կիրառվող տուգանքի առավելագույն չափը» RL 1-021
2.	««Հայաստանի ավտոապահովագրողների բյուրո» իրավաբանական անձանց միության կողմից գանձվող անդամավճարների և անդամավճարները չվճարելու համար գանձվող տույժերի սահմանաչափերի» RL 1-039

  

Բյուրոյի կանոնադրության՝ Բյուրոյի կողմից իրականացվող վերահսկողության հետ կապված հարաբերությունները կարգավորող դրույթներում համապատասխան փոփոխությունների գործողությամբ պայմանավորված՝ սույն թվականի մայիսի 25-ից ուժի մեջ կմտնեն նաև ՀՀ կենտրոնական բանկի կողմից արդեն իսկ գրանցված ««Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-004 նոր կանոնները, ինչպես նաև ««Հայաստանի ավտոապահովագրողների բյուրո» իրավաբանական անձանց միության կողմից իրականացվող վերահսկողության» RL 1-027 և «Համալիր ստուգման արդյունքներով ապահովագրական ընկերությունների նկատմամբ պատասխանատվության միջոցների կիրառման մեթոդաբանությունը» RL 1-034 կանոնների գործողության դադարեցումները: